BAKI, AzerVoice

Beynəlxalq Ədalət Məhkəməsində İsrailin işğal olunmuş Fələstin ərazilərindəki hərəkətlərinə dair hüquqi dinləmələr davam edir.

AzerVoice xəbər verir ki, Haaqada yerləşən Beynəlxalq Ədalət Məhkəməsində İsrailin BMT, digər beynəlxalq təşkilatlar və üçüncü dövlətlər qarşısında öhdəliklərini pozub-pozmadığı ilə bağlı məsləhət rəy dinləmələrinin növbəti mərhələsi keçirilir.

Dinləmələr çərçivəsində bu gün Türkiyənin Xarici işlər nazirinin müavini Nuh Yılmaz şifahi təqdimatla çıxış edəcək. O, İsrailin Fələstin torpaqlarındakı hərəkətlərinin beynəlxalq hüquq normalarına zidd olduğunu vurğulayaraq, BMT qərarlarının və insan hüquqlarının pozulduğunu önə çəkəcək.

Bu məsləhət rəy prosesi, Beynəlxalq Ədalət Məhkəsinin İsrailin Qəzzadakı və digər işğal olunmuş ərazilərdəki fəaliyyətlərinə dair hüquqi mövqeyini müəyyənləşdirmək baxımından mühüm əhəmiyyət daşıyır. Prosesin nəticəsi hüquqi baxımdan məcburi olmasa da, İsrailə qarşı beynəlxalq ictimaiyyətin mövqeyini gücləndirə və siyasi təzyiqləri artıra bilər.

Qeyd edək ki, bu proses İsrailin Qəzzadakı hərbi əməliyyatları və yardım blokadası səbəbilə daha da aktuallaşıb və bir sıra dövlətlər, o cümlədən Türkiyə, açıq şəkildə Fələstin xalqının hüquqlarının müdafiə olunduğunu bəyan ediblər.