BAKI, AzerVoice

400-dən çox Hollivud aktyoru, rejissoru və ssenaristi hökumətdən süni intellekt sahəsində qanunları yumşaltmamağı xahiş edib.

AzerVoicexəbər verir ki, Hollivud sənayesindən 400-dən çox insayder süni intellektlə bağlı mövcud qanunların qorunmasını tələb edən açıq məktub imzalayıb. Məktubda OpenAI və Google-un süni intellektin hazırlanması üçün müəllif hüquqları ilə qorunan materiallardan istifadə etməsinə qarşı çıxılır.

Məktubu imzalayanlar arasında Ben Stiller, Ayo Edebiri, Cara Delevingne, Chloe Fineman, Cate Blanchett, Guillermo del Toro və Taika Waititi kimi məşhur adlar var. Onlar süni intellektin qeyri-etik istifadəsinin Hollivud sənayesinə ciddi zərbə vuracağını bildiriblər.

Xüsusilə, sənətçilər süni intellekt vasitəsilə öz rəqəmsal nüsxələrinin yaradılmasına və ölümündən sonra belə bu nüsxələrin istifadə olunmasına qarşı olduqlarını vurğulayıblar.

Qeyd edək ki, son illərdə süni intellektin kino və media sənayesində geniş yayılması aktyor və ssenaristlərin etirazına səbəb olub. Xüsusilə 2023-cü ildə Hollivudda baş verən tətilin əsas mövzularından biri süni intellektin sənayedəki təsiri idi.