BAKI, AzerVoice
Suriyanın İdlib vilayətinin şimal-qərbində yerləşən Maarat-Misrin yaşayış məntəqəsi yaxınlığında baş vermiş partlayış nəticəsində ölənlərin sayı 7-yə yüksəlib, təxminən 100 nəfər xəsarət alıb.
AzerVoice xəbər verir ki, bu barədə İdlib Səhiyyə İdarəsinin direktoru Samer Arabi məlumat verib.
Məlumata görə, partlayış çadır düşərgələrinə də təsir edib və bu, çoxsaylı insanın xəsarət almasına səbəb olub.
Bundan əvvəl Suriya Səhiyyə Nazirliyinin mətbuat xidməti hadisə nəticəsində dörd nəfərin öldüyünü, 116 nəfərin yaralandığını bildirmişdi.
Bunla yanaşı Suriya Mülki Müdafiə Xidməti bildirib ki, partlayış nəticəsində tikiş sexində çalışan altı texniki əməkdaş yaralanıb.
Hadisə sursat anbarında baş verib. Hadisə yerində xilasedici dəstələr dağıntılar altında qalan cəsədləri axtarmağa davam edir. Hadisənin səbəbləri araşdırılır.
