BAKI, AzerVoice
ABŞ-ın digər dövlətlərin daxili işlərinə müdaxiləsi yolverilməzdir.
AzerVoice xəbər verir ki, bunu Braziliya Prezidenti Luis İnasio Lula da Silva deyib.
"ABŞ-ın digər dövlətlərin daxili işlərinə müdaxiləsi yolverilməzdir, çünki bu, həmin ölkələrin suverenliyinə zərər vurur" - deyə, o qeyd edib.
Dövlət başçısı, ABŞ hakimiyyətinin Braziliyanın sabiq prezidenti Jair Bolsonaruya qarşı davam edən məhkəmə prosesi səbəbilə viza məhdudiyyətləri tətbiq etdiyi Federal Ali Məhkəmənin hakimlərinə dəstəyini ifadə edib. Bolsonaru dövlət çevrilişi cəhdində ittiham olunur.
“Birləşmiş Ştatlar hökumətinin daha bir əsassız və tamamilə özbaşına qərarından zərər çəkmiş Ali Məhkəmə hakimlərinə həmrəylik və dəstəyimi bildirirəm” – deyə vurğulayıb. “Bir ölkənin digər ölkənin ədliyyə sisteminə müdaxiləsi qəbuledilməzdir və xalqlar arasında hörmətin və suverenliyin əsas prinsiplərinə ziddir.”
Lula da Silva əlavə edib ki, ABŞ-ın heç bir təhdidi Braziliya rəhbərliyini qanunun aliliyinə hörmətsizlik göstərməyə məcbur edə bilməz.