BAKI, AzerVoice
ABŞ, Avropa İttifaqına (Aİ) qarşı rəqəmsal vergidən imtina etmədiyi təqdirdə, ticarət sahəsində əlavə tədbirlər görəcək.
AzerVoice xəbər verir ki, bu xəbərdarlıqla Ağ Evdəki Milli İqtisadi Şuranın rəhbəri Kevin Hassett çıxış edib.
O, Yeddilər Qrupu (G7) formatında rəqəmsal vergi və çoxmillətli korporasiyalara ən azı 15 faiz vergi tətbiqi ilə bağlı müəyyən razılaşmalar əldə edildiyini xatırladıb.
“Baxacağıq, görək bu vergilər ləğv olunacaqmı. Əgər ləğv edilməzsə, ABŞ-ın ticarət danışıqları üzrə nümayəndəsi Ceymison Qririn buna cavabı olacaq. Görək hadisələr necə inkişaf edəcək” – deyə, Hassett bildirib.
O həmçinin təsdiqləyib ki, ABŞ və Kanada, Ottavanın Amerika şirkətlərinə tətbiq ediləcək rəqəmsal vergidən imtina qərarından sonra ticarət danışıqlarını dərhal bərpa edəcək:
“Əlbəttə. Şübhəsiz, bu o deməkdir ki, biz danışıqlara qayıda bilərik.”
Qeyd edək ki, ötən həftənin sonunda ABŞ prezidenti Donald Tramp Kanadanın ABŞ-ın texnologiya şirkətlərinə rəqəmsal vergi tətbiq etmək niyyətinə görə, bu ölkə ilə yeni ticarət sazişləri üzrə danışıqları dayandırdığını açıqlamışdı. Bazar günü isə Kanada hökuməti, ABŞ-la danışıqların bərpası üçün rəqəmsal xidmətlər vergisindən imtina etmək qərarı verib.
