BAKI,
AzerVoice
Ukrayna Rusiyadan 500 əsiri geri qaytaracaq .
AzerVoice xəbər verir ki, Ukrayna Prezidenti Vladimir Zelenski 7-8 iyun tarixlərində Rusiya ilə aparılan məhbus mübadiləsi çərçivəsində 500 ukraynalının ölkəyə geri qaytarılacağını bəyan edib.
Dövlət başçısı həmçinin Rusiyanın təqdim etdiyi atəşkəs
təkliflərini “qəbuledilməz” və “ultimatum xarakterli” adlandıraraq,
danışıqların məntiqsiz şəkildə davam etdiyini bildirib.
“Əgər Rusiya həqiqətən atəşkəsi qəbul etsəydi, onların təyyarələri
hədəf alınmazdı,” – deyə Zelenski vurğulayıb.
O, Ukraynanın istənilən an liderlər zirvəsində iştirak etməyə hazır olduğunu bildirib, lakin Rusiyanın təqdim etdiyi sənədlərin diplomatik danışıqlardan çox təzyiq vasitəsi olduğunu qeyd edib.
Qeyd edək ki, Rusiya-Ukrayna münaqişəsi başlayandan bəri tərəflər arasında dəfələrlə əsir mübadiləsi həyata keçirilib. Bununla belə, atəşkəslə bağlı razılaşma əldə olunması hələ də çətinliklərlə qarşılaşır. Ukrayna və Qərb ölkələri Rusiyanın sülh danışıqlarında real mövqe sərgiləmədiyini bildirir.
