BAKI, AzerVoice
ABŞ administrasiyası Ukraynada qısa müddətli deyil, uzunmüddətli atəşkəsi dəstəkləyir.
AzerVoice xəbər verir ki, bu barədə ABŞ Dövlət Departamentinin mətbuat xidmətinin rəhbəri Temmi Bryus brifinq zamanı məlumat verib.
Ondan ABŞ dövlət katibi Marko Rubionun Moskva və Kiyevdən hansı konkret təkliflər gözlədiyi soruşulub.
“Aydındır ki, münaqişəyə son qoymaq üçün. Söhbət onların nə üzərində işlədikləri məsələdən – yəni atəşkəsdən gedir. Üçgünlük yox. Tam, hərtərəfli və davamlı atəşkəs" - deyə, Temmi Bryus vurğulayıb.
Qeyd edək ki, aprelin 28-də Rusiya Prezidenti Vladimir Putin 8–11 may tarixlərində qüvvədə olacaq müvəqqəti atəşkəs elan edib. Bu müddət ərzində bütün hərbi əməliyyatlar dayandırılacaq.