BAKI, AzerVoice

ABŞ prezidenti Donald Tramp, ABŞ-nin İranla birbaşa görüşlər apardığını təsdiqləyərək, İran prezidenti və ya dini lideri ilə görüşə açıq olduğunu bildirib.

AzerVoice xəbər verir ki, Tramp bu haqda juranlistlərin suallarını cavablandırarkən bildirib.

Tramp, İsrailin İranın nüvə obyektlərinə hücum etməsinin onun qarşısını aldığına dair iddiaları rədd edib.

“Xeyr, bu doğru deyil. Mən onları dayandırmadım. Amma onlara sərbəst hərəkət edə biləcəkləri bir şərait də yaratmadım. Çünki düşünürəm ki, silahlı qarşıdurma olmadan da bir razılaşma əldə edə bilərik. Amma bəlkə də hücum etməli olacağıq. Çünki İranın nüvə silahı əldə etməsinə icazə verilməyəcək” - deyə, Tramp qeyd edib.

Jurnalist Trampa İsrailin Baş naziri Benyamin Netanyahunun ABŞ-ni müharibəyə sürükləyəcəyindən narahat olub-olmadığı ilə bağlı sual verib. Tramp isə bu suala belə cavab verib:

“Xeyr, mən bunu demədim. Siz mənə Netanyahunun məni müharibəyə sürükləyib-sürükləmədiyini soruşdunuz. Yəni mən istəksiz şəkildə müharibəyə girəcəmmi? Xeyr. Əgər razılaşma əldə edə bilməsək, mən çox da istəkli şəkildə müharibəyə girə bilərəm. Əgər anlaşma baş tutmasa, liderliyi öz üzərimə götürəcəyəm.”