BAKI, AzerVoice

İsrailin baş naziri Benyamin Netanyahu İsrail ordusunun Suriyanın cənubundakı mövqelərini qoruyacağını və bölgədə daimi qalacağını bir daha vurğulayıb.

AzerVoice xəbər verir ki , Vaşinqtonda videokonfrans vasitəsilə çıxış edən Netanyahu bu məsələyə toxunub.

"İsrail ordusu Suriyadakı Hermon dağının (Cəbəl əl-Şeyx) zirvəsində qalacaq. Biz bölgəyə bitişik tampon zonada da mövcudluğumuzu davam etdirəcəyik. Suriyanın Dəməşqə qədər irəliləməsinə imkan verməyəcəyik." - deyə o bildirib.

Netanyahu, ABŞ prezidenti Donald Trampla görüşünü yüksək qiymətləndirərək, onu "bir ABŞ prezidenti ilə keçirdiyim ən əhəmiyyətli görüş" adlandırıb. O, ABŞ-İsrail ittifaqının indiyə qədər heç vaxt bu qədər güclü olmadığını vurğulayıb və Trampa İsrailə yeni silah tədarükü üçün təşəkkür edib.

İsrail ordusunun işğal altındakı İordan çayının qərb sahilindəki hərbi əməliyyatlarına da toxunan Netanyahu, bölgədəki fələstinli qaçqın düşərgələrində mövcudluqlarını davam etdirəcəklərini və hücumların uzunmüddətli olacağını bildirib.

Qeyd edək ki, Fevralın 23-də qatıldığı hərbi məzuniyyət mərasimində Netanyahu Suriyadakı işğalla bağlı oxşar ifadələr səsləndirmişdi. Onun bu bəyanatları Suriya xalqı tərəfindən sərt etirazlarla qarşılanıb. Ölkənin müxtəlif bölgələrində Netanyahunun açıqlamalarına qarşı etiraz aksiyaları keçirilib.