BAKI, AzerVoice
HƏMASın Qəzzadakı rəhbəri Xəlil əl-Hayya bildirib ki, hərəkat silahlarını gələcək fələstin suveren dövlətinə təhvil verməyə hazırdır. Onun sözlərinə görə, bu addım yalnız “İsrail işğalının tam şəkildə başa çatmasından” sonra mümkün olacaq.
Əl-Hayya vurğulayıb ki, hərəkatın silahlanması “işğal və təcavüzə cavab” xarakteri daşıyır və işğal sona çatdıqdan sonra həmin silahlar dövlət qurumlarının nəzarətinə verilə bilər.
HƏMAS rəsmisi əlavə edib ki, silahların təhvil verilməsi məsələsi fraksiyalar və vasitəçilərlə danışıqlar mövzusudur və proses hələ ilkin mərhələdədir. O, həmçinin Qəzza sərhədlərində beynəlxalq müşahidə və ayırıcı qüvvələrin yerləşdirilməsinə, eləcə də atəşkəsə nəzarət missiyasına razılıq verdiklərini açıqlayıb.