BAKI, AzerVoice
İrana qarşı hər hansı bir təxribat və ya qarşıdurma sionist rejimin sonunu gətirəcək.
AzerVoice xəbər verir ki, bu sözlər SEPAH-ın (İran İnqilab Keşikçiləri Korpusu) komandanı general Hüseyn Salaminin verdiyi açıqlamada yer alıb.
"İrana qarşı "macəraçılıq" edənlər bunun bədəlini ödəyəcək və etdiyinə görə peşman olacaq" - deyə, o qeyd edib. O bildirib ki, İran hər hansı ssenariyə cavab verməyə tamamilə hazırdır.
Qeyd edək ki, son aylarda İsrail, Tehranın uranın 60 faiz səviyyəsində zənginləşdirilməsindən imtina etdiyi təqdirdə, İranın nüvə obyektlərinə hücum edəcəyi ilə hədələyib.
Digər tərəfdən, ABŞ prezidenti Donald Tramp dəfələrlə İranın nüvə obyektlərinə, əgər razılaşma əldə olunmasa hava zərbələri endirəcəyini bildirib. Əvəzində İran, öz növbəsində, əgər hərbi hücuma məruz qalarsa, nüvə silahı üçün istifadə edilə biləcək səviyyədə zənginləşdirilmiş uran ehtiyatından istifadə edərək nüvə silahına yiyələnə biləcəyini getdikcə daha çox vurğulamağa başlayıb.
Beş mərhələdə keçirilən danışıqlardan sonra, hələ də həll olunmamış məsələlər qalır. Bunlara İranın öz ərazisində uranı zənginləşdirməyə davam etməkdə israr etməsi və mövcud zənginləşdirilmiş uran ehtiyatının tam şəkildə xaricə daşınmasından imtinası daxildir. Uran bombaların hazırlanmasında istifadə edilə biləcək xammaldır.
