Bakı. AzerVoice:
Təl-Əviv İsrail tərəfdarı məzmun yaymaq üçün saxta hesabları maliyyələşdirib.
AzerVoice xəbər verir ki, bu barədə New York Times qəzeti açıqlama verib.
Təl-Əviv rəhbərliyinin Qəzza zolağına hücumlarında İsrailyönlü məzmun yaymaq üçün saxta hesabları maliyyələşdirdiyini açıqlayıb.
“New York Times” (NYT) qəzetinin məlumatına görə, İsrail Diaspor Nazirliyi ABŞ Konqresi, Senatı və Nümayəndələr Palatasının üzvlərini İsrail ordusunu maliyyələşdirməyə çağıran saxta sosial media hesablarından istifadə edərək əməliyyata göstəriş verib.
Dörd İsrail rəsmisi sözügedən gizli kampaniyanın İsrail Diaspor Nazirliyinin sifarişi ilə aparıldığını bildirib.
Nazirlik əməliyyat üçün 2 milyon dollara yaxın vəsait ayırıb və işi həyata keçirmək üçün Təl-Əvivdə gizli təsir kampaniyaları üçün süni intellekt platformalarından istifadə edən “Stoic” adlı İsrail şirkətini işə götürüb.
Kampaniyanın aktiv vaxtında X, Facebook və Instagram-da özlərini “əsl amerikalı” kimi təqdim edən yüzlərlə saxta hesabdan İsrail tərəfdarı şərhlər yerləşdirmək üçün istifadə edilib.
Məlumat üçün qeyd edək ki, yazıların çoxunu yaratmaq üçün süni intellektlə işləyən chatbot ChatGPT istifadə edilib.
Hafiz Rufizoğlu