BAKI, AzerVoice, Nailə Babazadə
Türkiyədə 2025-ci ilin avqust ayında 215 min 130 ədəd nəqliyyat vasitəsi ilk dəfə dövlət qeydiyyatına alınıb. Türkiyə Statistika Qurumu (TÜİK) tərəfindən yayımlanan məlumatlara əsasən, bunların 44,1 faizini minik avtomobilləri, 43,9 faizini motosikletlər, 8 faizini yük maşınları (kamyonet), 1,5 faizini traktorlar, 1,4 faizini iri tonnajlı yük maşınları, 0,7 faizini mikroavtobuslar, 0,3 faizini avtobuslar və 0,1 faizinixüsusi təyinatlı nəqliyyat vasitələri təşkil edib.
AzerVoice xəbər verir ki, ötən ayla müqayisədə avqust ayında qeydiyyata alınan nəqliyyat vasitələrinin sayı 16,4 faiz azalıb. Ən böyük azalma xüsusi təyinatlı nəqliyyat vasitələrində 64,2 faiz və yüngül yük maşınlarında 38,4 faiz müşahidə olunub. Ən böyük artım isə avtobuslarda 18,5 faiz və mikroavtobuslarda 13,4 faiz qeydə alınıb.
2024-cü ilin avqust ayı ilə müqayisədə bu ilin avqust ayında avtomobil qeydiyyatlarında43,5 faiz artım olub. Bunun əksinə olaraq, traktor, xüsusi təyinatlı vasitələr, avtobus, motosiklet, yük maşını və mikroavtobuslar üzrə qeydiyyatlar azalıb.
Avqust ayı sonuna olan məlumata görə, Türkiyədə dövlət qeydiyyatında olan nəqliyyat vasitələrinin ümumi sayı 32 milyon 828 min 821 olub. Bunların 51,6 faizi avtomobil, 20,9 faizi motosiklet, 14,8 faizi kamyonet, 7 faizi traktor, 3,1 faizi kamyon, 1,6 faizi mikroavtobus, 0,7 faizi avtobus və 0,3 faizi xüsusi təyinatlı vasitələrdən ibarətdir.
Həmin ay 985 min 244 nəqliyyat vasitəsinin mülkiyyət hüququ ötürülüb. Bu vasitələrin 67 faizini avtomobillər təşkil edib. Onları kamyonetlər (%14,1) və motosikletlər (%12,1) izləyib.
Avqust ayında 94 min 989 avtomobil qeydiyyata alınıb. Bunların 12,7 faizi Renault, 7,4 faizi Fiat, 6,7 faizi Volkswagen, 6,5 faizi Hyundai, 6,3 faizi Toyota, 5,2 faizi BYD, digər hissəsi isə digər markalar arasında bölünüb.
Yanvar-avqust aylarını əhatə edən dövrdə qeydiyyata alınan nəqliyyat vasitələrinin sayı 10,7 faiz azalaraq 1 milyon 562 min 342 olub. Bu dövrdə 33 min 837 vasitənin qeydiyyatı ləğv edilib. Beləliklə, xalis artım 1 milyon 528 min 505 olub.
Bu dövrdə qeydiyyata alınan avtomobillərin 45,4 faizi benzin, 26,8 faizi hibrid, 17,6 faizi elektrik, 9,2 faizi dizel, 1 faizi LPG ilə işləyib. Qeydiyyatda olan ümumi avtomobillərin isə 33,1 faizi dizel, 30,7 faizi LPG, 30,7 faizi benzin ilə çalışır.
2025-ci ilin ilk 8 ayında qeydiyyata alınan avtomobillərin 29,3 faizi 1300 sm³ və daha az mühərrik həcminə malik olub. Ən çox seçilən rəng isə göy (gri) olub – %40,2.