BAKI,AzerVoice

İstanbul dünyanın ən qədim və ən möhtəşəm şəhərlərindən biridir. Türkiyənin ən böyük şəhəri olan İstanbul həm iqtisadi, həm tarixi, həm də sosial-mədəni baxımdan ölkənin ürəyi sayılır. İqtisadi böyüklüyünə görə dünyada 34-cü yeri tutur, əhali sayına görə isə Avropada birinci, dünyada isə Nigeriyanın Laqos şəhərindən sonra altıncı sıradadır.

Turistlərin ən çox ziyarət etdiyi şəhərlərdən biri olan İstanbul öz tarixi və unikal mədəniyyəti ilə daim diqqət mərkəzindədir. AzerVoice oxucuları üçün İstanbul haqqında maraqlı faktlar:

1. İstanbul eramızdan əvvəl 667-ci ildə qurulmuşdur.
2. Şəhər tarixi boyunca dörd imperiyanın paytaxtı olub.
3. Dünyada həm Asiyada, həm də Avropada yerləşən yeganə şəhərdir.
4. Əhali sayına görə Moskvanı geridə qoyaraq Avropanın ən sıx məskunlaşan şəhəri hesab olunur.
5. Şəhər yarananda Bizans adlanırdı, indi isə bu ad İstanbulun qədim rayonlarından birinin adında yaşayır.
6. Türklərin fəthindən sonra Konstantinopol “İstanbul” adını alaraq Osmanlı İmperiyasının paytaxtına çevrildi.
7. Dünyada nikahların sayına görə ikinci yerdədir.
8. Küçə yeməkləri olduqca məşhurdur və hər küncdə əlçatan qiymətlərlə satılır.
9. İstanbulda 500-dən çox türk hamamı var, onların temperaturu adətən 40–50°C arasında dəyişir.
10. Kapalıçarşı dünyanın ən böyük qapalı bazarıdır.
11. Müasir İstanbul ərazisində insanlar təxminən 8,500 il əvvəl məskunlaşıblar.
12. Təkcə əsas görməli yerlər hər il Türkiyə xəzinəsinə 30 milyon dollardan çox gəlir gətirir.
13. Topkapı Sarayının otaqları və salonları ümumilikdə 700,000 kvadratmetr sahəni əhatə edir.
14. İstanbulun məşhur bazarı 66 küçəni əhatə edir, burada 4,000-dən çox mağaza fəaliyyət göstərir.
15. Tarix boyu şəhəri 10 Roma imperatoru, 30 Osmanlı sultanı və 80-dən çox Bizans hökmdarı idarə edib.
16. Türkiyə əhalisinin böyük hissəsi İstanbulda yaşayır.
17. Dünyada ən çox ictimai tualetə sahib şəhərdir.
18. Buradakı Bolqar Müqəddəs Stefan kilsəsi dünyada tamamilə dəmirdən tikilmiş yeganə kilsədir.
19. XX əsrin əvvəlində İstanbul əhalisinin yarısı xristian idi, bu gün isə əksəriyyət müsəlmandır. Lakin şəhərdə müxtəlif dinlərə aid çoxsaylı məbədlər mövcuddur.
20. İstanbulun 20-dən çox rayonu UNESCO-nun dünya mədəni və tarixi irs siyahısına daxildir.
21. Şəhərin küçələrində sahibsiz pişiklər üçün xüsusi kiçik evlər və qablar yerləşdirilib.
22. İstanbulun Avropa və Asiya hissələrini birləşdirən çoxlu bərə xətləri mövcuddur.
23. Boğazın altında dünyanın ən dərin metro tuneli – Marmaray inşa edilib. Tikintisi 9 il davam edib.
24. Miniatürk Parkında Türkiyənin bütün tarixi və mədəni abidələrinin kiçildilmiş dəqiq maketlərinə baxmaq mümkündür.
25. Avropanın ən böyük akvariumu məhz İstanbulda yerləşir.