BAKI, AzerVoice, Nailə Babazadə

Məhəmməd peyğəmbər və Musa peyğəmbərin karikaturasının Leman jurnalında dərc olunmasına dair aparılan istintaq çərçivəsində jurnalı idarə edənlərin də daxil olduğu 6 nəfər şübhəli qismində saxlanılıb. Onlardan 3-ü barəsində həbs qərarı çıxarılıb, digər 3 nəfər isə məhkəmənin qərarı ilə nəzarət şərti ilə sərbəst buraxılıb.

AzerVoice-un məlumatına görə, İstanbul Baş Prokurorluğu tərəfindən iyunun 26-da Leman jurnalında dərc olunmuş karikatura ilə bağlı başlanmış istintaq başa çatıb.

Həbs edilən şəxslər sırasında karikaturanı çəkən Doğan Pehlevan da yer alır. O, “Prezidentə təhqir” və “xalqı kin və düşmənçiliyə təhrik və ya alçaltma” ittihamları ilə tutularaq məhkəməyə çıxarılıb. Dərginin qrafikeri Cəbrail Okçu, yazı işləri müdiri Zəfər Aknar, digər yazı işləri müdiri Aslan Özdemir və müəssisə müdiri Ali Yavuz da eyni maddələr üzrə günahlandırılaraq İstanbul Sulh Cinayət Hakimliyi tərəfindən həbs edilib.

Xatırladaq ki, istintaq çərçivəsində Doğan Pehlevan Prezidentə təhqir və xalqı kin və düşmənçiliyə təhrik və ya alçaltmaq maddələri üzrə, yazı işləri müdiri Zafer Aknar, müəssisə müdiri Ali Yavuz və qrafik dizayner Cebrail Okçu isə xalqı kin və düşmənçiliyə təhrik və ya alçaltmaq ittihamı ilə həbs edilmişdi.

Digər şübhəli, yazı işləri müdiri Aslan Özdemirin isə ölkə xaricində olduğu, İstanbul Hava Limanından Türkiyəyə giriş edəcəyi müəyyənləşdirilmişdi. Baş Prokurorluğun göstərişi ilə onun hava limanında saxlanılması barədə polisə təlimat verilmiş və Fransadan gələn təyyarədən endikdən sonra nəzarətə alınaraq məhkəmə qərarı ilə həbs edilmişdi.