BAKI, AzerVoice
Türkiyənin Xəzinə və Maliyyə naziri Mehmet Şimşek 13–15 may tarixlərində Böyük Britaniyanın paytaxtı Londonda beynəlxalq investorlar və maliyyə sektorunun nümayəndələri ilə bir sıra mühüm görüşlər keçirəcək.
AzerVoice-un məlumatına görə, nazirin Londra səfəri çərçivəsində əsas məqsədi Türkiyə iqtisadiyyatının mövcud vəziyyəti, aparılan struktur islahatlar və orta müddətli proqram barədə beynəlxalq maliyyə çevrələrinə ətraflı məlumat verməkdir.
Nazir Şimşek, Avropanın aparıcı investisiya banklarından biri olan BNP Paribas tərəfindən təşkil edilən "Türkiyə Konfransı"nda iştirak edəcək. O, konfransda Türkiyə iqtisadiyyatı ilə bağlı geniş təqdimatla çıxış edəcək, ardınca isə investorlarla təkbətək görüşlər keçirərək maliyyə sabitliyi, islahatların istiqamətləri və investisiya imkanları barədə müzakirələr aparacaq.
Bundan əlavə, Şimşek Avropa Yenidənqurma və İnkişaf Bankının (EBRD) illik toplantısında da iştirak edəcək.
Nazir eyni zamanda EBRD-nin təşkil etdiyi “Türkiyə Yatırım Görünümü” adlı xüsusi paneldə təqdimatla çıxış edəcək və sual-cavab sessiyasında iştirak edərək Türkiyənin investisiya potensialını müxtəlif aspektlərdən şərh edəcək.
Şimşek London səfəri çərçivəsində həmçinin digər ölkələrin maliyyə nazirləri ilə ikitərəfli görüşlər keçirməyi də planlaşdırır.
