Bakı, AzerVoice
Türkiyənin milli müdafiə sənayesi daha bir mühüm uğura imza atdı. ROKETSAN tərəfindən yayılan məlumata görə, TÜBİTAK SAGE tərəfindən hazırlanan SOM-J milli seyrədici raketi, F-16 qırıcısından suüstü hədəfə qarşı atış sınağını uğurla başa vurub.
AzerVoice xəbər
verir ki, Türkiyənin Sənaye və Texnologiya naziri Mehmet Fatih
Kacır da sosial media hesabından SOM-J ilə bağlı paylaşım edib. O,
sınaq zamanı suüstü platformaya qarşı ilk atışda hədəfin uğurla
vurulduğunu bildirib və əlavə edib:
“SOM-J müasir döyüş şəraitində Silahlı Qüvvələrimiz üçün güclü bir
qüvvə çarpanı olacaq, uzaq məsafədən yüksək dəyərli hədəflərin
zərərsizləşdirilməsini təmin edəcək.”- deyə Kaçır
bildirib.
“Kara və suüstü hədəflərə qarşı istifadə, məlumat bağlantısı ilə
atış sonrası idarəetmə (yenidən hədəfləmə, hədəf yeniləmə, missiya
ləğvi, yayımı susdurma), milli hava platformalarımız olan KAAN və
KIZILELMA ilə uyğunluq, infraqırmızı başlıq, suüstü hədəflərə qarşı
optimallaşdırılmış döyüş başlığı, aşağı radar görünürlüğü… SOM-J-in
caydırıcı gücü və effektiv hücum imkanları daim inkişaf
etdirilir.”
Türkiyə Prezident
Administrasiyasının Müdafiə Sənayesi İdarəsinin (SSB) rəhbəri Haluk
Görgün də SOM-J-nin suüstü hədəfə qarşı çətin şəraitdə uğurla
sınaqdan keçdiyini bildirib. O, paylaşımında qeyd
edib:
“Güclü iradə, yüksək texnologiya, tam isabət. Yerli və milli
mühəndisliklə hazırlanmış bu ağıllı sursat, xalqımızın əzmini,
müdafiə sənayemizin gəldiyi nöqtəni və gələcəyə olan inamımızı
göstərir. Göylərdən gələn zərbə gücümüz indi daha təsirli, daha
səssiz, daha dəqiqdir.”
Görgün, bu mühüm qabiliyyətin qazanılmasında əməyi keçən ROKETSAN, TÜBİTAK SAGE, idarə əməkdaşları, alt yüklenicilər və bütün tərəfdaşlara təşəkkür edib.
Sənaye və Texnologiya Nazirliyindən verilən açıqlamada bildirilib ki, SOM-J yeni nəsil seyrədici raket olaraq çoxsaylı üstünlüklərə malikdir və onun qabiliyyətlərinin artırılması üzərində işlər davam etdirilir.
Açıqlamada deyilir ki, F-35 Birgə Hücum Təyyarəsi (JSF) ilə uyğunlaşacaq bu raket, ROKETSAN yükleniciliyi, TÜBİTAK SAGE əsas alt yükleniciliyi ilə Müdafiə Sənayesi İdarəsinin rəhbərliyində inkişaf etdirilir.
Sınaq çərçivəsində F-16 təyyarəsindən SOM-J raketi ilə suüstü hədəfə atış həyata keçirilib. Atış sonrası məlumat bağlantısı ilə idarəetmə, maksimum məsafə, vurma dəqiqliyi və suüstü hədəflərə qarşı angajman imkanları uğurla nümayiş etdirilib. SOM-J çətin marşrut və manevr şərtləri altında bütün göstəriciləri yerinə yetirərək hədəfi dəqiq vurub.