Bakı,AzerVoice

Bu gün futbol dünyasının əfsanəvi adlarından olan braziliyalı futbolçu Pele-nin vəfatının ikinci ildönümündür.

AzerVoice xəbər verir ki, yoğun bağırsaq xərçəngindən uzun müddət müalicə olunan və 29 dekabr 2022-ci ildə dünyasını dəyişən Pele müvəffəqiyyətlə dolu bir karyerasını geridə qoyub.

Bir çox idmansevərlərin fikrincə, dünyanın ən yaxşı futbolçusu olan Pele Braziliya Milli Komandası ilə karyerasında üç Dünya Kuboku, klub və fərdi nailiyyətləri ilə futbol dünyasında iz qoyan adlardan biri olaraq dünyasını dəyişib. .

ABŞ-ın “Nyu York Kosmos” komandasında karyerasını bitirmədən əvvəl ölkəsində 19 il geyindiyi “Santos” forması ilə 1000-dən çox qol vuran Pelenin heykəli, futbolun yarandığı yer olan Marakana stadionunun qarşısında qoyulub.

Cəmi 16 yaşında ikən Santosdakı ilk ilində ən çox qol vuran Pele, Real Madrid, Yuventus və Mançester Yunayteddən transfer təkliflərinə baxmayaraq, onu “milli sərvət” kimi qələmə verən Braziliya hökuməti onun transferinə icazə vermədiyi üçün komandadan ayrılmayıb.

1957-ci ildə, 16 yaş 9 aylıq olarkən Marakana stadionunda Argentina ilə ilk matçını keçirən gənc Pele, komandasının yeganə qolunu vuraraq, o vaxt milli komanda səviyyəsində qol vuran ən gənc futbolçu olub.

İsveç 1958, Çili 1962 və Meksika 1970 Dünya Kuboklarında "Sambaçılar"la üç3 dəfə çempionluq yaşayan Pele bu nominasiyada üç kubok qazanan yeganə futbolçu olub.

“Qara mirvari” ləqəbli Pele 1957-1971-ci illər arasında Braziliya millisinin heyətində 92 oyunda meydana çıxıb və 77 qol vurub.

Pele "Santos"dan ayrıldıqdan sonra futbolçu karyerasını Amerika qitəsində davam etdirib.

1975-1977-ci illər arasında ABŞ liqa komandalarından olan "Nyu York Kosmos"da çıxış edən əfsanəvi braziliyalı oyunçu son ilində liqa çempionluğunu qazanıb.

Pele futbolçu karyerasından sonra ölkəsində idman naziri, FİFA və Santos-un futbol səfiri, Nyu-York Kosmos-un fəxri prezidenti, BMT və YUNESKO-nun xoşməramlı səfiri vəzifələrində çalışıb.