Bakı, AzerVoice

Azərbaycan Dövlət İqtisad Universitetində (UNEC) “İqtisadi və Mailiyyə Savadlığı” və “Yumşaq Bacarıqlar” kitablarının təqdimetmə tədbiri keçirilib.

AzerVoice xəbər verir ki, tədbirdə UNEC nəzdində Azərbaycan Maliyyə-İqtisad Kollecinin (AZMİK) direktoru Davud Davudov, "Yumşaq Bacarıqlar" kitabının müəllifləri Arifə Qasımova, Nurlana Salmanova və "İqtisadi və Mailiyyə Bacarıqları" kitabının müəllifləri Könül Büyüker və Zərifə Orucova iştirak ediblər.

"Yumşaq Bacarıqlar" kitabının müəllifi Arifə Qasımova tədbirdə işitrak edənləri salamlayıb və kitab barədə məlumat verib. O, bildirib ki, uzun müddətdir tədris olunsa da yumuşaq bacarıqlar barədə kitab çap olunmamışdır. Kitabın içərisində tapşırıqlar, oyunlar həm də test nümünələri çox yığcam və sadə şəkildə verilib ki, buda dərslərin keçirilməsinə asanlıq və maraq qatır.

Kitabın digər müəllifi Nurlana Salmanova bildirib ki, kitabı yazmaqda əsas məqsəd bazar iqtisadiyyatına cavab verən kadrların və buna xidmət edəcək dərs vəsaitinin hazırlanmasıdır.

Daha sonra "İqtisadi və Mailiyyə Bacarıqları" kitabının müəllifləri Könül Büyüker və Zərifə Orucova kitabı tədbirdə iştirak edən insanlara təqdim ediblər.

Könül Büyüker ilk öncə, redaktoru olduğu "Yumşaq Bacarıqlar" kitabı haqqında danışıb. O bildirib ki, dəyişən iş dünyasında uğurlu olmaq təkcə sahə üzrə mükəmməl biliklər kifayət etmir, həmçinin insanların düzgün ünsiyyət qurmaq, problemləri həll etmək, liderlik bacarıqlarını inkişaf etdirmək və komanda işində effektiv olmaq kimi yumşaq bacarıqlarında çox böyük əhəmiyyəti vardır.

"Bu dərs vəsaiti məhz bu yumşaq bacarıqların əhəmiyyətini izah etmək və onları inkişaf etdirmək üçün vacib təlimatları təqdim etmək məqsədi güdür", - deyə Büyüker bildirib.

Sonda o, kitab sayəsində insanların özlərini daha yaxşı ifadə etməsinə və istənilən mühittə özlərini daha özgüvənli hissetməsinə kömək edəcəyinə inandığını deyib.

Daha sonra Büyüker müəllifi olduğu “İqtisadi və Mailiyyə Savadlığı” dərs vəsaiti barədə danışıb. O bildirib ki, bu fənn gündəlik həyatımızda hər birimizin qarşısına çıxan və gələcəkdə iqtisadi qərarlar qəbul edərkən qarşılaşacağımız məsələlərə işıq tutur.

"Dərs vəsaitinin məqsədi iqtisadi və maliyyə biliklərini sadə şəkildə oxuculara çatdırmaqdır. Həmçinin mailiyyə planlaşdırılması, investisiya və risklərin idarə olunması kimi vacib mövzular dərs vəsaitinə daxil edilmişdir",- deyə vurğulayıb.

Həmçinin qeyd olunub ki, kitabın içərisində olan məlumatlar yalnız akademik deyil həmdə şəxsi həyatda insanlara çox kömək olacaq.

Kitabın digər müəllifi Zərifə Orucova qeyd edib ki, kitabı yaratmaqda əsas məqsədlərindən birinin də, tələbələrin ümumi bir vəsaitdən istifadə etməsidir.

Sonda kitablar tədbir iştirakçılarına təqdim olunub.