BAKI,AzerVoice
"Mərkəzi Asiya – Avropa İttifaqı" sammiti çərçivəsində Qazaxıstan Prezidenti Kasım-Jomart Tokayev, Avropa Şurasının Prezidenti Antoniu Koşta ilə görüş keçirdi.
AzerVoice xəbər verir ki, Avropa İttifaqı, Qazaxıstanın ən böyük ticarət tərəfdaşı və investorudur. Aİ-nin ümumi birbaşa xarici investisiyalardakı payı 40%-dən çoxdur.
2024-cü ildə Qazaxıstan və Aİ üzvləri arasındakı ticarət dövriyyəsi təxminən 50 milyard dollar təşkil edib, bu isə Aİ-nin Mərkəzi Asiya ölkələri ilə ticarətinin 80%-nə bərabərdir.
Görüşdə liderlər iqtisadiyyatın müxtəlif sahələrində çoxtərəfli əməkdaşlığın gücləndirilməsini müzakirə ediblər.
Onlar Qazaxıstan və Aİ arasında tərəfdaşlığın dinamik inkişafının vacibliyini vurğulayıblar, bunun qarşılıqlı etimada, strateji maraqlara və uzunmüddətli perspektivlərə əsaslandığını bildiriblər.