BAKI, AzerVoice
İnstaqram və WhatsApp alışları məhkəməlik olub.
AzerVoice xəbər verir ki, Meta rəhbəri
Mark Zukerberq ABŞ Federal Ticarət Komissiyasının (FTC) şirkətə
qarşı qaldırdığı antiinhisar iddiası çərçivəsində məhkəmədə ifadə
verib.
İddiada Meta-nın Instagram və WhatsApp-ı satın almaqla sosial media
bazarında rəqibləri sıxışdırdığı və inhisar yaratdığı
bildirilir.
Zukerberq ifadəsində, bu alışların istifadəçi təcrübəsini
yaxşılaşdırmaq məqsədi daşıdığını və bazarda TikTok, YouTube və X
kimi rəqiblərlə ciddi rəqabət apardıqlarını bildirib.
FTC isə iddia edir ki, Meta rəqibləri neytrallaşdırmaq üçün bu
platformaları yüksək məbləğə alıb və bu, rəqabəti pozub.
Qeyd edək ki, 2023-cü ildə Meta gündəlik 3,27 milyard aktiv istifadəçi ilə sosial media sahəsində lider mövqeyini qoruyub. Məhkəmə prosesinin iki ay davam etməsi gözlənilir və nəticənin texnologiya sektorunun gələcək tənzimləmələrinə ciddi təsir göstərəcəyi proqnozlaşdırılır.