BAKI, AzerVoice
Gürcüstanın paytaxtı Tbilisidə şəhər məhkəməsinin kargüzarlıq şöbəsini yandırmağa cəhd etmiş müxalifətyönümlü siyasətçi Aleko Elisaşvili hüquq mühafizə orqanları əməkdaşları tərəfindən saxlanılıb.
AzerVoice bu barədə xarici KİV-ə istinadən xəbər verir.
Məlumata görə, “Güclü Gürcüstan –Lelo” koalisiyasının liderlərindən olan Elisaşvili yanğını şənbə gününə keçən gecə törətməyə çalışıb. Operativ tədbirlər nəticəsində onun bu cəhdinin qarşısı alınıb və o dərhal hadisə yerində saxlanılıb.
Xatırladaq ki, bundan əvvəl oktyabr ayında Tbilisidə prezident sarayına basqın cəhdinə görə 60-dan çox insan saxlanılmışdı.