BAKI, AzerVoice, Nailə Babazadə
ABŞ Prezidenti Donald Tramp, Əfqanıstandakı Beqram Hava Bazasını yenidən ələ keçirmək və burada kiçik bir ABŞ hərbi kontingenti yerləşdirmək üçün danışıqların davam etdiyini bildirib.
AzerVoice xəbər verir ki, ABŞ Prezidenti Tramp, Ağ Evdə jurnalistlərə verdiyi açıqlamada Beqram Hava Bazası ilə bağlı fikirlərini bir daha səsləndirib.
O, Co Bayden administrasiyasının bazanı tərk etməsini “boş yerə” və “bacarıqsızlıq” kimi qiymətləndirərək "Beqramda nə baş verəcəyini görəcəyik. Onu geri almaq üçün Əfqanıstanla danışıqlar aparırıq. Oranı heç vaxt tərk etməməli idik."- deyə qeyd edib.
Tramp qeyd edib ki, əgər baza geri alınarsa, orada kiçik bir ABŞ hərbi varlığı yenidən qurulacaq, "Oradan imtina etmək üçün heç bir səbəb yox idi. Beqram Hava Bazası bizim nəzarətimizdə qalmalı idi." - deyə vurğulayıb.
