BAKI, AzerVoice
Fransanın Nitsa şəhərində şənbə günündən bazar gününə keçən gecə elektrik enerjisi kəsilib.
AzerVoice xəbər verir ki, bu barədə Nitsa şəhər bələdiyyəsi məlumat yayıb.
Məlumata əsasən, təxminən 45 min ev və şəhərin beynəlxalq hava limanı, yəni Fransanın əsas hava limanlarından biri elektriksiz qalıb. Hadisənin sabotaj aktı nəticəsində baş verdiyi bildirilib.
Prokurorluğun verdiyi açıqlamada, Nitsanın qərbində yerləşən və narkotik alverçilərinin yuvası kimi tanınan Mulan bölgəsindəki bir yarımstansiyada gecə saatlarında yanğın baş verdiyi qeyd olunub.
Qeyd edək ki, oxşar hadisə bundan əvvəl ölkənin Kann şəhərindədə qeydə alınmışdı. Lakin hər iki hadisə arasında əlaqə olduğuna dair hələlik rəsmi açıqlama verilməyib. Mənbələrin bildirdiyinə görə, Kann şəhərindəki nasazlıq yəqin ki, qəsdən törədilmiş bir yanğın nəticəsində baş verib.
