BAKI,
AzerVoice
Pakistanın xarici işlər naziri Çinə səfər edəcək.
AzerVoice xəbər verir ki, Pakistanın baş nazirinin müavini və xarici işlər naziri Məhəmməd İshaq Dar mayın 19-dan 21-dək Çin Xalq Respublikasında rəsmi səfərdə olacaq.
Çin Xarici İşlər Nazirliyinin sözçüsü Mao Nin bildirib ki, səfər Çin Dövlət Şurasının üzvü və xarici işlər naziri Vanq Yinin dəvəti ilə baş tutur.
Çin rəsmisi, Hindistan və Pakistan arasındakı gərginliklə bağlı da açıqlama verib. Mao Ning qeyd edib ki, Çin bu məsələ ilə bağlı mövqeyini dəfələrlə bəyan edib və tərəfləri dialoq və təmasları davam etdirərək, regional sülh və sabitliyə töhfə verməyə çağırıb.
Qeyd edək ki, Çin son illərdə Cənubi Asiyada sabitliyin qorunması üçün həm İslamabad, həm də Yeni Dehli ilə diplomatik təmasları gücləndirib.