BAKI, AzerVoice

Pakistan və Hindistan arasında gərginlik artmaqda davam edir. Pakistan Ordusu, Hindistana məxsus İsrail istehsalı olan 77 silahlı insansız hava aparatını (SİHA) məhv etdiklərini açıqlayıb.

AzerVoice xəbər verir ki, bu barədə məlumatı “Dawn” qəzetinin yaydığı xəbərə əsasən, Pakistan Silahlı Qüvvələrinin İctimaiyyətlə Əlaqələr İdarəsinin (ISPR) rəhbəri, Korgeneral Əhməd Şərif Çaudri mətbuat konfransında verib.

Çaudri, Hindistanın hücumları nəticəsində indiyədək 33 mülki şəxsin həlak olduğunu, 62 nəfərin isə yaralandığını bildirib. O, Hindistan tərəfinə sərt mesaj ünvanlayaraq deyib: “Əgər Pakistanın sizə atəş açmasından bu qədər zövq alırsınızsa, bu tələbinizi öz seçdiyimiz zaman, məkan və vasitə ilə yerinə yetirəcəyik.”

Pakistanlı general, Hindistan mediasında yayılan “Pakistanın hava vasitələrinin vurulduğu” və “Pakistanın hücum etdiyi” iddialarını da təkzib edib və sübut olaraq “vurulan azı bir Pakistan təyyarəsi və ya SİHA-sının qalıqlarının göstərilməsini” tələb edib.

Çaudri əlavə edib ki, toqquşmalar zamanı Pakistan ordusunda yaralılar olsa da, indiyədək heç bir Pakistan əsgəri həyatını itirməyib.