BAKI, AzerVoice
ABŞ administrasiyası, Ukraynadakı münaqişənin sülh yolu ilə həllində irəliləyiş əldə olunmadığı təqdirdə vasitəçilik rolundan imtina etməyi nəzərdən keçirir.
AzerVoice xəbər verir ki, bu barədə ABŞ Dövlət Departamentinin mətbuat xidmətinin rəhbəri Temmi Bryus brifinq zamanı dövlət katibi Marko Rubionun sözlərini sitat gətirib.
“Dövlət katibinin mənə Ukraynadakı vəziyyətlə bağlı dediyi bir şeyi sizinlə bölüşə bilərəm: hazırda elə bir mərhələdəyik ki, hər iki tərəf bu münaqişəyə necə son qoyulacağı barədə konkret təkliflər irəli sürməlidir. Bizim bundan sonra necə hərəkət edəcəyimiz ABŞ prezidenti [Donald Tramp] tərəfindən veriləcək qərardır. Əgər irəliləyiş olmazsa, biz bu prosesdə vasitəçi rolundan imtina edəcəyik” – deyə Bryus vurğulayıb.