BAKI, AzerVoice – İsrailin xarici işlər naziri Gideon Saar bildirib ki, İran beynəlxalq dəniz yollarında piratçılıqla məşğuldur və Marşall adalarının bayrağı altında üzən gəmini ələ keçirməsi ilə bunu açıq şəkildə etiraf edib. Saaar X- platforunda yayımladığı paylaşımda qeyd edib:

“İran Marşal adalarının bayrağı altında üzən gəmiyə hücum etdiyini açıq şəkildə etiraf edib. Husilər kimi, İran da bir pirat dövlət kimi davranır və dəniz yollarını qorxu altında saxlayır.”

Nazirin sözlərinə görə, İranın fəaliyyəti təkcə Yaxın Şərq üçün deyil, həm də qlobal sülh və beynəlxalq ticarət üçün ciddi təhdiddir:

“İran yalnız Yaxın Şərq üçün yox, dünya sülhünə və qlobal ticarətə də təhdiddir. Azad dünya dərhal İran İslam İnqilabı Keşikçiləri Korpusunu (SEPAH) terror təşkilatı kimi tanımalıdır.”- deyə o bildirib.

Qeyd edək ki, İranın “İnqilab Keşikçiləri” Korpusunun nümayəndələri günün əvvəlində açıqlamışdılar ki, onlar Marşal adaları bayrağı altında üzən və Sinqapura 30 min ton petrokimya məhsulu daşıyan neft tankerini saxlayıblar.

Məlumata görə, gəmi hadisə baş verməzdən əvvəl BƏƏ sahilləri yaxınlığında, Şərq sahilindən Hind okeanı istiqamətində Sinqapura doğru hərəkət edirmiş və yüksək kükürdlü dizel yanacağı ilə yüklənib.