BAKI,AzerVoice
Qətər Dövləti Pakistan İslam Respublikası ilə Əfqanıstan arasında sərhəd bölgələrində baş verən gərginliyin artmasından və bunun regionun təhlükəsizliyi və sabitliyi üçün yarada biləcəyi fəsadlardan narahatlığını ifadə edib.
Qətər Xarici İşlər Nazirliyi hər iki tərəfi dialoq, diplomatiya və təmkinə üstünlük verməyə, fikir ayrılıqlarını gərginliyi azaldacaq və eskalasiyanın qarşısını alacaq şəkildə həll etməyə çağırıb.
Nazirlik həmçinin Qətər Dövlətinin beynəlxalq sülh və təhlükəsizliyin möhkəmləndirilməsinə yönəlmiş bütün regional və beynəlxalq səyləri dəstəklədiyini və qardaş Pakistan və Əfqanıstan xalqlarının təhlükəsizliyi və rifahının təmin edilməsinə sadiq olduğunu bir daha bəyan edib.