BAKI, AzerVoice, Səməd Əyyubov
İsrailin baş naziri Benyamin Netanyahu Dohada HƏMAS liderlərinə qarşı təşkil edilən hücuma görə məsuliyyəti üzərinə götürüb.
AzerVoice xəbər verir ki, bu barədə Netanyahunun ofisi bəyanat yayıb.
“Planı İsrail hazırladı, əməliyyatı İsrail həyata keçirdi və bütün məsuliyyəti İsrail daşıyır. Bu, tamamilə müstəqil İsrail əməliyyatıdır” – deyə, bəyanatda qeyd olunub.
Xatırladaq ki, İsrail Qətərin paytaxtı Dohada HƏMAS-ın azı beş yüksək rütbəli nümayəndəsinin yerləşdiyi binanı hədəfə alıb. Hücum nəticəsində HƏMAS-ın Qəzza zolağındakı lideri və danışıqlar qrupunun rəhbəri Xəlil əl-Həyyə, xarici ofisin rəhbəri Xalid Məşəl, siyasi büro üzvü Nizar Abdullah və Qərb Sahilindəki komandiri Zaher Cəbarin həlak olub.
Qətərin Xarici İşlər Nazirliyi hadisəni qətiyyətlə pisləyib.
