BAKI,AzerVoice, Fərid Mikayılov
Bu ilin avqustunda biz Türkiyə, Azərbaycan və Ermənistan arasında iqtisadi əməkdaşlığı gücləndirəcək, regional sülhü möhkəmləndirəcək, Cənubi Qafqazda iqtisadi əməkdaşlığı artıracaq, sərhədlərin açılmasını və diplomatik münasibətlərin normallaşmasını sürətləndirəcək Zəngəzur Bağlantısının Türkiyə hissəsinin təməlini qoyduq.
AzerVoice xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu bildirib.
Uzunluğu 224 km olan yeni dəmir yolu Xəzər və Aralıq dənizi hövzələri arasında strateji marşrut yaradacaq.
Nazir əlavə edib ki, yaxın vaxtlarda İstanbul Şimal Dəmir Yolu Keçidi layihəsinin tenderi elan ediləcək.
Bu layihə ilə Marmaray vasitəsilə həyata keçirilən Asiya-Avropa dəmir yolu daşımalarının gücü əhəmiyyətli dərəcədə artırılacaq.