BAKI, AzerVoice, Nailə Babazadə
1 avqust 2025-ci il tarixinə olan məlumata görə, Qırğızıstanda 14 989 nəfərdə insan immunçatışmazlığı virusu (VİÇ) aşkar edilib. Bu barədə məlumatı Respublika Hemokontakt Viruslu Hepatitlər və VİÇ-ə Nəzarət Mərkəzi yayıb.
AzerVoice xəbər verir ki,rəsmi rəqəmlərə əsasən, yoluxanlardan 14 105 nəfər Qırğızıstan vətəndaşı, 884 nəfər isə əcnəbilərdir. Epidemiyanın müşahidə olunduğu dövr ərzində 3 698 nəfər VİÇ səbəbindən dünyasını dəyişib.
2024-cü ildə ölkə üzrə 975 yeni yoluxma faktı qeydə alınıb. Onlardan 457 nəfər (46,7%) xarici ölkələrdə miqrasiya zamanı yoluxduğunu bildirib.
2025-ci ilin yanvar–avqust aylarında 634 nəfərdə VİÇ aşkarlanıb. Onların 294 nəfəri (46,3%) də virusu xaricdə miqrasiya dövründə yoluxduqlarını etiraf ediblər.
Mütəxəssislər miqrasiya ilə bağlı risklərin yoluxma dinamikasında önəmli faktor olduğunu vurğulayır və əhalini profilaktik tədbirlərə ciddi əməl etməyə çağırırlar.