BAKI, AzerVoice, Zeynəb Raminqızı
Türkmənistanın “YAŞLIK” telekanalı Azərbaycanla bağlı sujet yayımlayıb
AzerVoice xəbər verir ki, BMT-nin Dənizə çıxışı olmayan inkişaf etməkdə olan ölkələr üzrə Üçüncü Konfransı çərçivəsində Türkmənistanın “YAŞLIK” telekanalı Azərbaycanla bağlı xüsusi sujet yayımlayıb. Süjetdə ölkəmizin füsunkar təbiəti, zəngin tarixi, memarlıq abidələri və turistik məkanları nümayiş etdirilib.
Kadrlarda Azərbaycanın milli geyimləri, rəqsləri və adət-ənənələri təqdim olunub, fon musiqisi kimi isə milli musiqimiz səsləndirilib. Telekanalın hazırladığı bu material Azərbaycanın mədəni irsinin və turizm potensialının təbliği baxımından əhəmiyyətli dəyərləndirilib.
