BAKI, AzerVoice, Fərid Mikayılov

Kıbrıs Türk Medya İdarə Heyətinin sədri Alihan Pehlivan, Azərbaycandakı səfəri çərçivəsində Trend İnformasiya Agentliyinin baş direktor müavini Rufiz Hafizoğluna, Şimali Kipr Türk Cumhuriyyətinin (KKTC) səsinin dünyaya çatdırılmasına verdiyi töhfələrə görə “Kıbrıs Türk Xəbər” fəxri xatirə lövhəsi təqdim edib.

AzerVoice xəbər verir ki, təqdimetmə mərasimində çıxış edən Alihan Pehlivan, Azərbaycan ilə KKTC arasında dostluq münasibətlərinin media müstəvisində də getdikcə daha da gücləndiyini vurğulayıb.

“Rufiz Hafizoğlunun Kipr türk xalqının haqlı mübarizəsinin dünyaya çatdırılmasına verdiyi dəstək bizim üçün böyük qürurdur”- deyə o bildirib.

Təqdim edilən mükafata görə təşəkkürünü bildirən Rufiz Hafizoğlu isə Azərbaycan mediasının hər zaman qardaş KKTC-nin yanında olacağını söyləyib.

“Bizim üçün Şimali Kipr Türk Cumhuriyyətinin səsi prioritetdir”- deyə o bildirib.

Hafizoğlu həmçinin Kıbrıs Türk Medyanın Azərbaycan təmsilçisi Sərdar Şəngülün Azərbaycan və KKTC arasında media körpüsü rolunu oynadığını, “Kıbrıs Türk Xəbər”in Azərbaycandakı fəaliyyətlərinin isə xüsusi önəm daşıdığını qeyd edib.