BAKI, AzerVoice
Quba İş Adamlarına Dəstək (QİAD) platformasının təşkilatçılığı və Quba KOB dostunun dəstəyi ilə Quba Heydər Əliyev Mərkəzində EMA Group tərəfindən "İntensiv bağçılıq" haqqında təlim keçirilib.
AzerVoice xəbər verir ki, təlimdə QİAD İdarə Heyətinin üzvləri, EMA Group şirkətinin aqronom və kənd təsərrüfatı mütəxəssisləri və yerli sahibkarlar iştirak edib.
Açılış çıxışı edən Quba İs Adamlarına Dəstək platformasının İH heyətinin sədri Cabbar Heybətov təlim iştirakçılarını salamladıqdan sonra Dövlətimizin qeyri neft sektoruna, xüsusilə kənd təsərrüfatına göstərdiyi xüsusi qayğını qeyd edərək kənd təsərrüfatı üzrə çalışan sahibkarların üzərinə düşən öhdəlik və işlərdən danışıb. QİAD-ın rayonun sahibkarlığın inkişafinda qısa zamanda gördüyü işlər haqqında bilgi verib.
Sonra təlimçi entimoloq Ema şirkətinin baş satış meneceri Mehmet Manavoğlu geniş çıxış edib.
İntensiv bağçılıqla bağlı təlimdə mövsüm ərzində bağlarda rastlaşılan xəstəliklər və ziyanvericilərə qarşı aparılan mübarizə və aqrotexniki tədbirlər haqqında geniş müzakirə aparıldı və maarifləndirici tövsiyələr verilib.
