Bakı, AzerVoice
Son bir ayda 81 şəhərdə miqrant qaçaqmalçılığı təşkilatçıları və nizamsız immiqrantlara qarşı jandarma tərəfindən həyata keçirilən əməliyyatlarda 200 miqrant qaçaqmalçısı və 4 min 40 qeyri-qanuni immiqrant saxlanılıb.
AzerVoice xəbər verir ki, Türkiyə Daxili işlər naziri Ali Yerlikaya aparılan əməliyyatla bağlı X hesabında paylaşım edib.
Paylaşımda nəzarətə götürülənlərdən 82-sinin həbs edildiyi, 31-i barəsində məhkəmə nəzarəti qətimkan tədbiri seçildiyi bildirilib.
Respublika Baş Prokurorluğu və Jandarma Baş Komandanlığının İmmiqrant Qaçaqmalçılığı və İnsan Alveri ilə Mübarizə İdarəsinin koordinasiyasında; şəhər Jandarma Komandirliyi tərəfindən aparılan axtarış işləri nəticəsində immiqrant qaçaqmalçılığında istifadə edilən 107 avtomobil ələ keçirilib.
Tutulan qeyri-qanuni immiqrantlar şəhər İmmiqrasiya İdarəsi Müdirliyinə təhvil verilib və dərhal deportasiya prosedurlarına başlanılıb.
Yerlikaya əməliyyatları koordinasiya edən Respublika Baş Prokurorluğunu və əməliyyatları həyata keçirən jandarma qüvvələrini təbrik edib.