Bakı,AzerVoice
Türkiyənin qızılbalıq ixracatı ilin ilk 6 ayında illik bazda 26 faiz artaraq 204 milyon 291 min dollara çatıb.
Bu barədə AzerVoice-ə Şərqi Qara Dəniz İxracatçılar Birliyindən (DKİB) bildirilib.
2023-cü ilin yanvar-iyun aylarında 162 milyon 661 min 489 dollar olan ixrac, bu ilin eyni ayında 204 milyon 291 min 321 dollara çatıb.
İxrac edilən məhsulların miqdarı 22 min 566 tondan, 36 min 490 tona yüksəlib.
Qeyd edək ki, Türk qızılbalığı Rusiya başda olmaqla 41 ölkəyə satılıb.
Bu dövrdə Türkiyədən Rusiyaya 122 milyon 895 min 861 dollar dəyərində, 24 min 91 ton qızılbalıq ixrac edilib.
Rusiya Federasiyasını 16 milyon 924 min 390 dollarla Almaniya və 13 milyon 562 min 131 dollarla Vyetnam təqib edir.
