Bakı. AzerVoice:
Qazaxıstan Senatının deputatları “Qadınların hüquqlarının və uşaqların təhlükəsizliyinin təmin edilməsi ilə bağlı Qazaxıstanın bəzi qanunvericilik aktlarına dəyişikliklər edilməsi haqqında” qanunu və müvafiq sənədi birinci oxunuşda təsdiqləyib.
AzerVoice xəbər verir ki, deputatlar zorakılığın istənilən formasına görə cəzaların artırılması ilə bağlı Qazaxıstan dövlət başçısının tapşırığını yerinə yetirmək üçün qanun layihələrinin təşəbbüskarı olub.
Məlumata əsasən, sənəd uşaqların təhlükəsizliyinin təmin edilməsi, qadınlara və uşaqlara qarşı cinayətlərin qarşısının alınması üçün hüquqi, iqtisadi, sosial və əsas mexanizmləri təkmilləşdirmək məqsədi daşıyır.
Qüvvədə olan qanunvericiliyə yetkinlik yaşına çatmayanlara qarşı cinayətlərə görə məsuliyyətin sərtləşdirilməsi, qadın və uşaqların hüquqlarının müdafiəsinin təmin edilməsi mexanizmlərinin gücləndirilməsi məqsədi ilə dəyişikliklər edilməsi təklif olunur.
Bundan əlavə, bölgələrdə ailələrə dəstək mərkəzlərinin açılması nəzərdə tutulur.
Xəbərlərimizi “WhatsApp” kanalımızdan oxuyun
