Bakı. AzerVoice:
Qırğızıstanın Nəqliyyat və Rabitə naziri Tilek Tekebayev bu gün Ankarada Türkiyənin nəqliyyat və infrastruktur naziri Abdulkadir Uraloğlu ilə görüşüb.
AzerVoice-un məlumatına görə, tərəflər Qırğızıstan və Türkiyə arasında nəqliyyat sahəsində əməkdaşlığın cari məsələlərini müzakirə ediblər, Qırğızıstan və Türkiyəni birləşdirən nəqliyyat dəhlizləri üzrə fəal işi davam etdirmək barədə razılığa gəliblər.
Nazirlər, həmçinin beynəlxalq yükdaşımaları üçün icazələrin alınmasının sadələşdirilməsi və nəqliyyat əlaqələrinin rəqəmsallaşdırılması məsələlərini müzakirə ediblər.
Eyni zamanda, “Qırğızıstan Temir Kolu” dövlət müəssisəsinə təcrübə mübadiləsi və texniki dəstəyin göstərilməsi planları müzakirə edilib.
Aytac Süleymanova
Twitter: a_alieva_
