Bakı. AzerVoice:

Türkiyə müdafiə sənayesi Səudiyyə Ərəbistanının paytaxtı Ər-Riyadda keçirilən “Dünya Müdafiə Şousu (WDS)” sərgisində 63 firma ilə iştirak edəcək.

AzerVoice-un məlumatına görə, Səudiyyə Ərəbistanının paytaxtı Ər-Riyadda ikinci dəfə təşkil edilən WDS yarmarkasında Türkiyə müdafiə sənayesini 63 şirkət təmsil edir.

Dünyanın hər yerindən yüksək səviyyəli rəsmi nümayəndə heyətlərinin iştirakı ilə keçirilən yarmarkada müdafiə sənayesinin quru, dəniz və hava hücumundan müdafiə sektorunda ən son texnologiyalar nümayiş etdirilib.

"Mən hesab edirəm ki, biz yalnız SSB və ya böyük şirkətlərimizi, inteqrator şirkətlərimizi və subpodratçılarımızı deyil, bütün müdafiə sənayemizi təmsil etmək üçün burdayıq",- deyə Haluk Görgün bildirib.

Görgün, Türkiyənin 63 şirkətlə WDS-də ən çox iştirak edən ikinci ölkə olduğunu və ümumi ərazinin 15 faizini türk şirkətləri ilə doldurduğunu bildirib. Yarmarkada ən böyük sahədən istifadə edən ölkənin Türkiyənin olduğunu vurğulayan Görgün, şirkətlərin gün ərzində yarmarka xaricində müxtəlif görüşlər keçirdiklərini, “xoşməramlı razılaşmalar” etdiklərini və gələcək üçün planlar qurduqlarını bildirib.

"Şirkətlərimizin demək olar ki, hamısının irili-xırdalı, gələcək üçün uzunmüddətli araşdırmaları nəzərdə tutan bir çox müqavilələri var və bunlar planlaşdırılıb və yarmarka boyu davam edəcək. Biz burada həmsöhbətlərimizlə də görüşlər keçiririk. Mümkün imkanları müzakirə edərkən bir-birimizi görüşlərə dəvət edirik. Bu, çox yaxşı haldır. Ümid edirik ki, gələcəkdə bunların daha müsbət nəticələrini görəcəyik",- deyə Görgün bildirib.

Şəbəkələrin qurulması, tərəfdaşlıqların qurulması, məlumat mübadiləsi, bütün müdafiə sahələrində yeniliklərin və istedadların üzə çıxarılması üçün mühüm platforma yaradan yarmarka fevralın 8-dək ziyarətçilərini qəbul etməyə davam edəcək.

Aytac Süleymanova

Twitter: a_alieva_