Bakı. AzerVoice:
Qırğızıstan və alman bankirləri bu ilin aprelində Frankfurt-Mayndə birgə forum keçirməyi planlaşdırırlar.
AzerVoice-un məlumatına görə, bu barədə Qırğızıstanın Almaniyadakı səfirliyindən məlumat verilib.
Diplomatik nümayəndəlikdən verilən məlumata görə, səfir Ömürbek Tekebayev yanvarın 26-da AKA Bankın baş direktoru Mark Vençik ilə görüşüb. Tərəflər Qırğızıstanda bank və maliyyə sistemlərinin, o cümlədən ixracın maliyyələşdirilməsinin inkişafı üçün əməkdaşlıq imkanlarını müzakirə ediblər.
Vençik Almaniya bankının Qırğızıstanla əməkdaşlığa marağına diqqət çəkib.
Qeyd edək ki, AKA Bank 1952-ci ildə Almaniyanın ən böyük bank filiallarını, iri regional və dövlət banklarını, eləcə də aparıcı özəl bankları birləşdirərək yaradılıb. Bu, Almaniya ixracı üçün maliyyələşdirmə və kredit xətləri təmin edən ixtisaslaşmış ixrac maliyyələşdirmə bankıdır.
Aytac Süleymanova
Twitter: a_alieva_
