Bakı. AzerVoice
Milli Məclisin sədri Sahibə Qafarova Ankarada baş vermiş terror aktı ilə əlaqədar Türkiyə Böyük Millət Məclisinin sədri Numan Kurtulmuşa başsağlığı verib.
AzerVoice - un məlumatına görə, Sahibə Qafarova TBMM sədrinə göndərdiyi məktubda Türk Aviasiya və Kosmik Sənaye Şirkətində baş verən terror aktında insanların həlak olması xəbərinin onu dərin kədərə boğduğunu və bu terror aktını qətiyyətlə pislədiyini bildirib.
Parlament sədri həlak olanların ailələrinə və yaxınlarına, eləcə də qardaş Türkiyə xalqına həm öz adından, həm də Milli Məclisin deputatları adından dərin hüznlə başsağlığı verib, yaralılara tezliklə şəfa arzulayıb.