Bakı, AzerVoice
Ermənistan ilk dəfə olaraq Səudiyyə Ərəbistana səfir təyin edib.
AzerVoice Ermənistan mediasına istinadən xəbər verir ki, bu barədə müvafiq sərəncamı ölkə prezidenti imzalayıb.
Ermənistanın Birləşmiş Ərəb Əmirliklərindəki hazırkı səfiri Karen Qriqoryan ölkəni, həmçinin Səudiyyə Ərəbistanında təmsil edəcək.
Qeyd edək ki, Səudiyyə Ərəbistanı ilə Ermənistan arasında diplomatik münasibətlərin qurulmasına dair protokol 2023-cü il noyabrın 25-də Əbu-Dabidə imzalanıb.
Ölkə başçısı Prezident İlham Əliyev bir çıxışında, "Səudiyyə Ərəbistanı o nadir ölkələrdəndir ki, erməni işğalına görə Ermənistanla ümumiyyətlə diplomatik əlaqələr qurmamışdır və bu, Azərbaycan xalqına, Azərbaycan dövlətinə göstərilmiş böyük mənəvi dəstəkdir və qardaşlığın əlamətidir. Azərbaycan xalqı bunu yüksək qiymətləndirir”, - deyə vurğulamışdı.
