Bakı, AzerVoice
Dünən rəsmi olaraq vəzifəsinə başlayan ABŞ-ın yeni prezidenti
Donald Tramp yenidən Paris İqlim Sazişindən çıxacağını bəyan
edib.
AzerVoice xəbər verir ki, Tramp,
prezidentlik dövründəki siyasət prioritetlərini açıqlayaraq, ABŞ-ın
sazişdən geri çəkilməsini əsas məqsədlərdən biri kimi göstərib.
Belə ki, Tramp ilk dəfə 2017-ci ilin yanvarında prezident
vəzifəsinə başlayarkən, ABŞ-ın 2015-ci ildə razılaşdırılmış Paris
İqlim Sazişindən çıxması qərarını vermişdi.
Daha sonra isə, 2021-ci ildə Trampın prezident seçkilərində məğlub
olmasından sonra vəzifəyə gələn Co Bayden, Trampdan fərqli olaraq
prezidentliyinin ilk günündə ABŞ-ı yenidən Paris İqlim Sazişinə
qaytaran fərman imzalamışdı.
Qeyd edək ki, Paris sazişi - BMT-nin İqlim Dəyişikliyi üzrə Çərçivə
Konvensiyasına əsasən , 2020-ci ildən atmosferdəki karbon dioksidin
azaldılmasına dair tədbirləri tənzimləyən bir razılaşmadır.