Bakı, AzerVoice
Almaniyanın Ştutqart şəhərində dörd nəfərlik Cessna C-172 təyyarəsinin qəzaya uğraması nəticəsində 2 nəfərin yaralandığı bildirilib.
AzerVoice xəbər verir ki, polisdən verilən açıqlamada, tək motorlu və pervaneli təyyarənin dünən günortadan sonra eniş zamanı qəzaya uğradığı və hava limanının müvəqqəti olaraq uçuşlara bağlandığı bildirilib.
Açıqlamada pilotun yüngül xəsarət aldığı, 70 yaşlı sərnişinin isə ağır xəsarətlərlə xəstəxanaya yerləşdirildiyi və müalicəsinin davam etdiyi bildirilib.
Açıqlamada eniş zamanı havanın dumanlı və buludlu olduğu və qəzanın səbəbləri araşdırıldığı bildirilib.
Qeyd edək ki, hava limanı polisinin qəza yerində araşdırması davam edir.