Bakı. AzerVoice:

Ukraynanın bütövlüyü və təhlükəsizliyi bizim üçün çox vacibdir və cənab prezidentimiz Rəcəb Tayyib Ərdoğan o məqamda çox aydın iradə nümayiş etdirib. Ümid edirəm ki, tezliklə sülh və Ukraynanın bütövlüyü bərqərar olacaq.

AzerVoice xəbər verir ki, bu sözləri Türkiyənin nəqliyyat və infrastruktur naziri Abdulkadir Uraloğlu deyib.

"Türkiyə ilə Ukrayna arasında quru daşımaları baxımından Türkiyə üzərinə düşən vəzifəni yerinə yetirir. Biz quru daşımalarında etməmiz lazım olanı tam olaraq edirik və bunu tamamilə liberallaşdıraraq 2024-cü ilin sonuna qədər uzatdıq. Bildiyiniz kimi, Ukraynada hələ də 12 gəmi qapalı vəziyyətdədir. Biz onları çıxara bilmədik, bunun üçün dəstəyə ehtiyac var",- deyə nazir bildirib.

Uraloğlu, Türkiyənin Beynəlxalq Dəniz Təşkilatının (IMO) Rusiya-Ukrayna müharibəsinə görə təcili toplantı çağırışına dəstək verən ilk beş ölkə arasında olduğunu xatırladıb.

Qeyd edək ki, bu gün İstanbulda “Ukraynanın Yenidənqurulması Forumu” adlı tarixi sammit keçirilib.

Aytac Süleymanova

Twitter: a_alieva_