Bakı. AzerVoice:

Alman ordusu ölkəni müdafiə etmək gücündədir, lakin kifayət qədər yaxşı müdafiə etmək iqtidarında deyil.

AzerVoice-un məlumatına görə, bu sözləri Almaniyanın Baş Qərargah rəisi general-leytenant Karsten Breuer deyib.

Alman silahlı qüvvələrinin döyüşə yararlı olması üçün yenidən quruluşa və silahlara ehtiyacı olduğunu ifadə edən Breuer bildirib ki, onlar Almaniyanı müdafiə etmək üçün güclü potensiala malikdirlər, lakin onu çox yaxşı müdafiə etmək iqtidarında deyillər.

Alman silahlı qüvvələrinin son tədarük müqavilələri ilə cari boşluğu bağlaya bildiyinə işarə edən Breuer qeyd edib ki, yəqin ki, bu boşluğu iki və ya üç ilə bağlaya biləcəyik, hər halda bu müddət beş və ya səkkiz ildən az olacaq.

Məlumat üçün bildirək ki, Rusiya-Ukrayna müharibəsindən sonra Almaniya müdafiə xərclərini xeyli artırmaq qərarına gəlib və qabaqcıl silah sistemlərinin alınması və ölkənin silahlı qüvvələrinin modernləşdirilməsi üçün 100 milyard avroluq xüsusi fond yaradıb.

Hökumət çoxsaylı müqavilələr, o cümlədən ABŞ istehsalı olan F-35 döyüş təyyarələrinin, Chinook nəqliyyat helikopterlərinin və İsrail istehsalı olan Arrow-3 raketdən müdafiə sisteminin alınması üçün müqavilələr imzalayıb.

Aytac Süleymanova

Twitter: a_alieva_