Bakı, AzerVoice

İran prezidenti Məsud Pezeşkian Tehranda Fələstin İslami Cihad Hərəkatı və Hizbullah liderləri ilə görüşüb. Pezeşkiyan Hizbullah və müqavimət qruplarına dəstək verməyi dini bir öhdəlik hesab etdiklərini bildirib.

AzerVoice xəbər verir ki, İran Rəyasət Heyətindən verilən açıqlamaya görə, Pezeşkian Fələstin İslami Cihad lideri Nahhale və Hizbullahın ikinci adı Qasimi qəbul edib.

Nahhale ilə görüşdə ölkəsinin Fələstinə dəstəyini davam etdirəcəyini bildirən Pezeşkiyan, "İranın Fələstin xalqına dəstəyi Tehranda hakimiyyət dəyişikliyindən təsirlənməz. Məzlum Fələstin xalqına dəstək əvvəlki kimi güclü şəkildə davam edəcək və heç bir amil bu yolda bizim iradəmizə mane ola bilməz”,-deyə qeyd edib.

Fələstin İslami Cihad lideri Nəhhale İran prezidentinin vəzifəyə başladıqdan dərhal sonra Fələstin müqavimət qruplarının liderləri ilə görüşməsinin əhəmiyyətini vurğulayıb.

Nahhale, “Bu gün Qəzzada məzlum fələstinlilərə yardım, hətta qida və dərman çatdırmaq üçün bütün yollar bağlı olduğu halda, sionistlərə hər cür yardımın, o cümlədən texnika və silahların göndərilməsi üçün bütün yollar açıqdır, lakin buna baxmayaraq Fələstinlilərin müqaviməti hələ də davam edir”, - deyə öz fikirlərini bildirib.

İranın prioritetinin müsəlman ölkələri ilə əlaqələri gücləndirmək və ortaq sinerji yaratmaq olduğunu bildirən Pezeşkian, İsrailin törətdiyi cinayətlərə qarşı mübarizədə İslam ölkələrinin birliyinin vacibliyinə diqqət çəkib.