Bakı,AzerVoice
Qəzzada aclığın qarşısını almaq hələ də mümkündür,AzerVoice xəbər verir ki, bunu Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini deyib. O qeyd edib ki, İsrail humanitar təşkilatlara daha çox yardım gətirməyə icazə verərsə, Qəzzada aclığın qarşısı hələ də alına bilər.
Qəzzada insanlar heyvan yemlərinin tükənəcəyindən qorxurlar
“Ciddi qida çatışmazlığının Qəzza zolağının şimalında uşaq ölüm nisbətlərinin "əhəmiyyətli dərəcədə artmasına" səbəb ola biləcəyi vurğulanır. İki yaşına çatmamış hər altı uşaqdan biri aclıq səbəbindən ölür. Bu, insan tərəfindən törədilən fəlakətdir. Dünya aclığa bir daha yol verməməkdə qərarlıdır. Əhəmiyyətli yardım axınını təmin etmək üçün real siyasi iradə ilə aclığın qarşısını almaq olar”-deyə o bildirib.
Həmçinin oxuyun Qəzzadakı dağıntılarla fəxr edirəm – İsrailli nazir
Qeyd edək ki, müharibədən əvvəl hər gün Qəzza zolağına müxtəlif yüklərlə dolu təxminən 500 yük maşını daxil olurdu.
Lakin oktyabrın 7-dən bəri, müharibə iqtisadiyyatı və kənd təsərrüfatı istehsalını məhv etdikdən sonra, Birləşmiş Millətlər Təşkilatına görə, böyük və təcili ehtiyaclara baxmayaraq, bu rəqəm nadir hallarda 200 yük maşınını keçdi.
Ümumdünya Ərzaq Proqramı çərşənbə axşamı münaqişə və aclıq izdihamı yük maşınlarını boşaltdığı üçün orada yardım çatdırılmasını dayandırdı.
İsrailin Qəzzaya tətbiq etdiyi məhdudiyyətlər aclıq və sağlamlıq problemlərini artırır – BMT
Qeyd edək ki, İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.
