Bakı,AzerVoice

Qətər İsrailin Qəzza zolağının Rəfah şəhərinə hücumu ilə bağlı təhdidlərini kəskin şəkildə pisləyir və belə bir hücumun 1,5 milyondan çox köçkün üçün son sığınacaq halına gələn şəhərdə humanitar fəlakətə səbəb olacağı barədə xəbərdarlıq edir. AzerVoice xəbər verir ki , bunu Qətərin Birləşmiş Millətlər Təşkilatının Cenevrədəki Daimi Nümayəndəsi Hind Abdulrahman Al Muftah Qəzza zolağındakı vəziyyət ilə bağlı brifinqdə zamanı bildirib.

O, beynəlxalq ictimaiyyəti təcili tədbirlər görməyə və İsrailin Rəfah şəhərinə basqın etmək, burada soyqırım törətmək və Fələstin xalqını zorla köçürmək planlarını dayandırmaq üçün bütün təzyiqləri göstərməyə çağırıb.

Məlumat üçün qeyd edək ki, keçən il oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 28 min 775 nəfərə çatıb.

Məlumata əsasən, hücumlar zamanı 68 min 552 nəfər yaralanıb.

Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.

İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.